Estresari buruz eta honek gure egunerokotasunean duen garrantzia azaldu zituen Itziar Salegi Muntteri-AEK-n emandako Aromaterapia tailerrean.
Sendabelar estraktuak, gure egunerokotasunean izan ditzakegun gaitzak hobeto eramaten lagundu gaitzakete. Erromeroak adibidez ormonetan indarra ematen du, "beraz goizean erabiltzea komeni da" aipatzen du Salegik. Halaber, memoria eta kontzentrazioa lantzen lagungarria da, garuna estimulatzen duelako "parranda eta gero, ajerako ona da erromeroa".
Menta freskagarriak garunari garbitasuna ematen dio eta "izpiliku eta erromeroarekin nahastuz buruko minari agur esango diogu".
Argibideak entzun eta gero martxan jarri ziren. Tailerrean parte hartutako ikasle guztiak entzundako guztiak praktikan jarri eta euren baltsamua egitera pasa ziren. Bakoitzak zein gaitz sendatzeko baltsamua nahi zuen erabaki eta Salegiren laguntzarekin egi bihurtu zuten.
Parrandan ere euskaraz
Sagardotegiak eta euskal ohiturak elkar hartuta daudela ezin uka daiteke. Beraz, euskara ikasten ari direnentzat ze hobe gure herriko kultura zaharretan barneratzea baino.
Gainera, ezagutzeaz aparte ondo afaldu eta ondo edaten badugu, plan bikaina! Otsailaren 26an Otegi Sagardotegia bisitatu zuten Muntteri-AEK-ko ikasleak, eta nola ez, irakasleek ere. Guztira 20 lagun.
Bakailu tortila, bakailaoa piperrekin, txuleta, gazta eta intxaurrak. Guzti hau ondo liseritzeko, sagardo goxoa!
Euskara ez da gela hotz eta karratuetan praktikatzeko, euskara esparru zabala eta anitza du! Txotxarekin lagunduta gainera, jariakor aritu ziren ikasleak!
1.000 euroko soldata
Urtero AEK antolatzen duen zozketan parte hartu duzuenek, hartu dezimoa eta begiratu, agian urte oso batean zehar, hilabetero 1.000 euroko soldata irabazi duzue. 00065 izan da txartel sariduna. Irabazlerik agertu ezean, martxoaren 26an errepikatuko da zozketa.