Kutxak babestutako ekimen hau kontzertu pedagogikoa dugu eta kultur etxera gerturatzen diren herritarrek ipuin berezi bat ikusteko aukera izango dute, Euskal ipuin bat, hain zuzen ere.
Haurrei zuzendua
Ikuskizun hau haurrak, musika klasikoaren eta kantu lirikoaren mundura hurbiltzeko asmoz sortua da.
Izan ere, genero hori itxuraz elite baten eskura dago soilik eta ulergaitza dirudi askorentzat.
Horregatik, kontatzen ari diren istorioa haurrek hobeto ulertzeko, Lurbira Òpera taldeko lagunek kantatutako eszenak eta hitz egindakoak tartekatuko dituzte musikal modura.
Istorioa
Aita Donostiak harmonizatutako abesti herrikoietan oinarritutako lana da Euskal ipuin bat.
Eta istorioari dagokionez, ihesean Behe Nafarroako herri batera iritsi den agote baten bizipena azaltzen du.
Haserre dago agoteek herreitan jasaten duten bazterkeriarekin eta bidegabekeriekin.
Mendekua hartzeko prest dago, eta inguruko emakume guztiak liluratzen saiatuko da ahalik eta ondorengo gehiago edukitzeko.