Sistema berria iradokizun orrialdea da. Honetan herritarrek haien kexak, txorko bat gaizki dagoela adibidez, idatzi eta Udaletxeko harreran dagoen postontzi berdean utzi edo iradokizunak@lasarte-oria.org helbide elektronikora bidali behar dute.
Eskutitz hori dagokion sailari bideratuko zaio eta arduradunak erantzungo duela, aurreratu zuen.
Iradokizun orrialdea Udaleko harreran egongo da eskuragarri, baita www.lasarte-oria.org orrialdean ere.
Hala ere, egun hauetan etxeetara iritsiko dela eta noizbehinka orrialdearen bidalketak egingo direla, azpimarratu zuen alkateak,
Partehartzea
Era honetara, herritarren partehartzea sustatu nahi du Udalak.
“Herriaren kudeaketa guztien artean egitea da helburua. Herritarrek partehartzeko bideak bilatu behar dira,” adierazi zuen alkateak.
“Hasieran herritarrei kostako zaie, baina ohitura sortu behar da. Izan ere, jarraipena emango zaio egitasmoari,” aipatu zuen.
Elkarteekin bilerak
Era berean, elkarteei gerturatzeko eta beren kezkak eta proposamenak zuzenean ezagutzeko, alkatea banan-banan bilduko da udalerriko talde ezberdinekin.
Aste honetan, bizilagun elkarte batzuekin bildu da eta aurrerantzean, kiroletako elkarteak, kulturakoak eta elkarte sozialekin hitz egingo du.
Horietako gehienekin dagoeneko lan egin badu ere, Gazteria eta Festetako eta Kiroletako sailetan, lehenengo harreman zuzena izango da alkate bezala eta elkarte bakoitzaren egoitzara joango da.
Bertan beren kezkak ezagutuko eta lan ildo jarrai bat sortzeko oinarriak jarriko direlarik.