Zazpigarren edizio honetan, hausnarketa gaia tolerantzia izango dira. Eta honek gizarteko beste gai batzuetan, hala nola, inmigrazioa edo ideologia politikoetan dituen eragina aztertuko da lau hitzaldi ezberdinetan.
Hitzaldiak
Astelehenean,maiatzak 10ean, Tolerantziaren ikuspegi orokorra aurkeztuko du Xabier Ibarzabal Aramberri Medikuntzan doktore eta Bioetikan adituak; asteartean, berriz, Tolerantzia eta ideologia politikoei buruz arituko da Martin Auzmendi Ayerbe Zuzenbiden lizentziatuak; asteazkenean, Tolerantzia eta inmigrazioa izango ditu hizpide Agustin Unzurrunzaga Gipuzkoako SOS Arrazakeriako ordezkariak eta, azkenik, ostegunean, Tolerantzia eta erlijioari buruz mintzatuko da Tomas Muro Teologoa.
Zer da tolerantzia?
Tolerantzia ezberdinari errespetua izatea da. Besteak diren bezala onartzea edo aniztasunaren errespetua izatea da. Besteen eztabaidetan ikuspuntu ezberdinak entzun eta onartzea.
Tolerantzia pasiboa “bizi eta bizitzen uztea da”, baina aktiboki egiten duenak elkartasuna adierazten du.
Aitzinean onginahia zen eta balio honek beste pertsonekin hitzez, sentimentuz eta ekintzez ongi eraman eta adeitsu izatea esan nahi du; ez, ordea, beste pertsonak erabiltzea eta haiekin harroa eta zakarra izatea.