Azken bi urteotan ezin izan du Ane Labakak 2008an lortutakoa errepikatu. Orduan bat batean eta idatziz izan zen Gipuzkoako txapeldun, bi txapelak ekarri zituen etxera. Azken bi urteotan aldiz, idatzizkoa eskuratu du eta bat batekoan Amaia Iturriotz-ek hartu dio aurrea. Iaz Euskal Herriko txapeldun eta txapelduordea izan ziren biak.
Bat bateko txapelketan, Ane Labakarekin batera, Amaia Iturriotz, Eñaut Martikorena, Gema Urteaga, Mikel Iturriotz, Imanol Irazustabarrena, Elixabet Pagola eta Izaro Zinkunegi aritu ziren. Andoni Egañak aurkeztu zuen saioa, eta epaile lanetan aritu ziren Bakarne Urreaga, Zigor Leunda eta Aitzol Astigarragak txapela Urretxuko Amaia Iturriotz-i ematea erabaki zuten. Txapeldunorde, bere anaia Mikel Iturriotz izan zen saio polit eta parekatuaren ondoren.