Egun osoko jaialdia
Goizeko 09:30etik eguerdiko 13:00ak arte eta arratsaldean, 16:00etatik aurrera Michelingo kirol gunea gaztetxo ugarien hotsez bete zen Eskola Kirola jaialdiaren 3. edizioaren ospakizunetan. Kirola praktikatu eta honetaz gozatu eta disfrutatzeko aukera bat datozela argi geratu zen larunbatean Michelinen.
Gazte ugari kirolean
Michelin kirol gunea gazte eta guraso ugariz bete zen. Eskola Kirola jaialdia urtetik urtera errotzen doan ekimena dugu eta horren isla parte hartzaileen kopurua izan zen.
Aurrebenjaminetan, bai LH1 eta bai LH2, adin-talde bakoitzeko 33 gazte aritu ziren. Benjaminetan 4 talde osatu ziren, guztira 40 gazte inguru. Alebinetan ere 40 bat gaztetxo ibili ziren. Eta azkenik infatiletan eta kadeteetan, guztira 15 kirolzale aurkitu genituen.
Bazkaldu baino lehen
Goizeko ekintzei amaiera aproposa emateko, parte hartzaile guztien artean zozketa egin zuten antolatzaileek. Sarien artean kamisetak, coca-colak, gozokiak, eta gulak! Argi geratu zen beraz larunbateko jaialdian kirola praktikatuz asko gozatu, lagun asko egin eta ederki pasa daitekeela.