Bere lehenengo kontzertua arestian aipatu bezala, Billabonan izan zen eta, herrian, urriaren 20ean, Biyak Bat Erretiratuen elkarteak, Arantzazuko Amaren elizan, antolatu zuen Zaharren omenaldian.
2007a izan zen emanaldi gehien zuzendu zituen urtea, 16 kontzertu, eta horietako bat, gainera, berezia izan zen Zero Sette Orkestrak Kursaal aretoan jotzen zuen lehenengo aldia zelako, Donostiako Orfeoiak antolatzen duen Unicef jaialdiaren barruan.
Honetaz gain, bere zurendaritzapean, urtero antolatzen den eta izena duen Akordeoi jaialdia sortu zen.
Sariak eta bidaiak
Aipatzekoak dira orkestrak bere zuzendaritzapean lortutako sariak: Ourenseko Lehiaketako lehen saria, Reina Sofia saria, Torrelavegako lehiaketako lehen saria hainbat urtetan, Cedeirako lehiaketako lehen saria eta Frantziako Andrezieuxeko Sari Nagusian zilarrezko domina, baita Ginebrako Nazioarteko Sari nagusian ere.
Horretaz gain, bidaia ugari egin ditu orkestrak Estatu mailan, baita Europa mailan ere. Polonia, Frantzia, Italia, Suitza edo Alemania bisitatu ditu orkestrak Elias Goikouria zuzendari duela. Estatuan, 48 emanaldi eskaini ditu Valladolid, Leon, Torrelavega...
Herriko ekintzetan ohiko
Lasarte-Oriako ekimenetan ohiko izaten da Zero Sette akordeoi orkestraren presentzia, hala nola, Zaharren omenaldiko jaialdian edo San Pedro jaietako omenaldian.
Baina, beste herriko taldeekin batera ere lana egin du eta hainbat ekitaldietan ere zuzendu ditu. Aipatzekoa da, Alboka Abesbatza eta Erketz E.D.T.-rekin batera, Euskararen Maratoiari amaiera ematen dion ikuskizuna, Eusko Irudiak.
Hurrengo astean, ekainaren 12an, Alkoholiko Anonimoen elkarteak haien 75. urteurrena ospatzeko antolatu duen jaialdian ikusi ahal izango dugu orkestra zuzentzen. Zorionak eta urte askotarako, Elias!