Eduki hau partekatzeko esteka arbelera kopiatu da.
Heldu zerbitzua 2002an sortu zen, Euskal Autonomi Erkidegoko atzerritar etorkinei arreta juridikoa eta soziala emateko helburuarekin. Zortzi urtez lanean egon eta gero, Eusko Jaurlaritzak ixtea erabaki du. Erabaki azkarra eta Gipuzkoan, gutxi gorabehera, 1.600 espediente kolokan utzi dituena. Hemendik aurrera, etorkinen arreta, informazio, aholkua eta laguntza, telefono zenbaki eta helbide elektroniko baten bidez gauzatuko da.
Mikel Mazkiaran lasarteoriatarra Heldu zerbitzuko langile ohia dugu. 2004an hasi zen immigranteen aholkulari gisa proiektu honetan lanean. Inolako abisurik gabe, egunkarietan irakurriaz, Eusko Jaurlaritzak azken 7 urteetan bere lantokia izandakoa ixteko erabakia hartua zuela jakin zuen. Zerbitzu hau ixteko erabili dituzten moduak direla eta, haserre aurkitu dugu.