Orain dela 8 urte Landaberri Antzerki Eskola bezala sortu zena, Kukuka antzerki eta dantza eskola da orain.
Bederatzigarren urte muga betetzear dagoela, opari gisa taldearen eraberritzea eman da eta hemendik aurrera, izaera juridikoa eta antolakuntza berria du antzerki eta dantza eskolak.
Ia 50 talde eta 500 ikaslek osatzen duten eskolak, sendotasuna eta herri izaera hartu du. “Poliki-poliki jaiotako antzerki eta dantzaren mundu hau, hazten eta hezten joan da, egun errealitate handi bat osatuz,” azaldu digute arduradunek.
Antzerki eta dantza mugimendua sendotzen joan da, herrian zabalduz “modu berezi batean lortu dugu bai antzerkia eta bai dantza sentiaraztea,” azaldu digute.