Arratsaldeko 19:30ean puntuan herriko kultur etxean akordeoiaren hotsak izan ziren protagonistak. Aretoa isilik geratu zen Paris-Moscou bikotea, Accordion in Modern eta Zero Sette taldeen kontzertuaz disfrutatzeko.
Akordeoi Jaialdiaren VII. edizioari Accordion in Modern kataluniar taldeak eman zion hasiera. Kontzertu zoragarria eskaini zuten Lasarte-Orian, jazz eta musika modernoa uztartzen duen emanaldia eskaini zuten, bateria eta baxuaren laguntzarekin. Ondoren, Paris-Moscou bikotearen txanda izan zen, bi unibertsoko bidai batean murgilduz. Azken txanda, herriko Zero Sette orkestrarentzat izan zen. Aurten gainera, Iñigo Peñak idatzitako Dharma obraren estreinaldiarekin.