Ludoteka
Amaraun ludotekak hasi du ikasturtea, eta ondo hasteko txotxongilo saioa antolatu zuten ostegunean, urriaren 7an. 30 lagun inguru bildu ziren txotxongiloez gozatzeko. Txotxongilo saioaren ondoren, sorpresa ugari izan zituzten, musika, dantza eta abestiak.
Ikasturtean zehar ekintza ugari antolatuko dituztela ere iragarri zuten begiraleek.
Gazte kluba
Honetaz gain, 9 eta 12 urte arteko gaztetxoek Gazte kluba ezagutzeko aukera dute gaur. Gainera, ezkontza bateko dantzaldira gonbidatuak daude hurbiltzen diren guztiak.
Hasiera berezi honen ostean, ostiralero tailerrak, jolasak eta eskulanak egingo dituzte Klubeko gaztetxoek.