Bost urte dira Jalgune elkarteko mutil eta neskek txapelketa berezi batean parte hartzen dutena. Haien eta kaleko gazteen indarrak batuz dardo lehiaketa kooperatiboa antolatzen da, Dardos Easoren laguntzaz, Also tabernan.
Larunbatean izan zen eguna eta giro ederrean 15 bikote aritu ziren dardoak jaurtitzen.
Proba desberdinak egin zituzten eta oztopo txiki batzuk jarri zitzaizkien Jalgunekoak ez zirenei.
Honela, urritasuna duten gazteengana gehiago hurbiltzeko asmoarekin dardoa jaurtitze hutsak duen zailtasunari beste batzuk gehitu zitzaizkien, adibidez, begiak estalita, patinete baten gainetik, belauniko, ura edanez edo eskuak lotuta jaurti zituzten dardoak.
Arratsalde pasa ederra egin zuten Jalguneko lagunek eta txapelketa amaitzean parte hartzaile guztiek sari berezia izan zuten, opariz betetako motxila.