Asteazkenean, hilaren 10ean, Memoriaren Eguna ospatu zen erakunde ezberdinetan. Foru Aldundiek, Eusko Jaurlaritzak eta EUDELek adostutako testua irakurri zen erakunde hauetan egin ziren ekitaldietan. Dena den, tokiaren arabera zentzu ezberdina hartu zuten omenaldiek. Instituzio batzuetan indarkeriak eragindako biktima guztiak oroitu ziren, eta beste kasu batzuetan bakarrik ETAk eragindakoak. Lasarte-Oriaren kasuan, aipatu ziren biktima bakarrak ETAk eragindakoak izan ziren.
Goizeko 11:30etan hasi zen ekitaldian PSE-EEko 8 zinegotziak, LOHP, PP eta EAJko zinegotzi bat izan ziren.
EB-Berdeak proposamenaren alde bozkatu zuen arren, zinegotziak ez zuen ekitaldian parte hartu. Ezker Abertzalekoek testuaren aurkako jarrera adierazi zuten bozketan eta ez ziren, noski, ekitaldian egon.