Urtero legez, gaur, Euskararen Eguna da. Gure herrian Kuadrillategi eta Gazte klubeko gazteek hainbat ekintza prestatu dituzte ospatzeko.
Argazki masiboa aterako dute Andatza plazan, 17:00etan. Nahiz eta gazteek antolatutako gauza izan, adin guztietara irekia dagoela gogora arazten dute. Ez ahaztu koloretako aterki bat eraman behar dela.
Argazkia atera ostean, 18:00ak aldera, gazteak Jalgi kafe-antzokira hurbilduko dira. Bertan, Itzartu taldearen kontzertuaz gozatzeko aukera izango da.