Arratsaldeko 20:00etan, errealitateko gertaera batean oinarrituta, drama eta umorea nahasten dituen antzezlana ikusiko dute kultur etxera hurbiltzen diren herritarrek.
Istorioa
Inmobiliariako agenteak Sarari eskaintzen dion etxebizitzak nahi dituen ezaugarri guztiak ditu.
Baina, eragozpen bat dauka, etxearen jabeak kondizio bat jartzen du; bertan bizi ahal izatea hil arte.
Lolak hirurogeita hamar urtetik gora ditu eta bi aldiz jasan du bihotzeko ebakuntza. Pakete tabako bat erretzen du egunean, eta aurrean jartzen dioten guztia edaten du, beraz ez dirudi luze biziko denik.
Honen aurrean, Sarak aurrera egitea erabaki, eta etxebizitza erosiko du.
Baina gauzak ez dira norberak uste bezala gertatzen. Bizitzaren gorabeherek eta elkarbizitzak egoera aldatuko dute.
Sarrerak
Manuel Lekuona kultur etxean eskuragarri daude sarrera gutxi batzuk, 10 eurotara. •