Honetaz gain, Ramon Ormazabal eta Arantxa Martinek, besteak beste, Pazko loreen loreontzia apaintzeko modu desberdinak edo sagarrekin mahai zentro naturala eta dibertigarria nola egin azaldu zieten hitzaldi aretora hurbildu ziren herritarrei.
Eguberrietako menua
Bestalde, asteazkenean, Lurra XXI tabernako sukaldaria den Jose Ramon Garzarainek hitzaldi aretora bertaratu ziren gizon eta emakumeei ondoan argitaratzen dugun Legatza porru eta ganbaz betea errezeta egiten irakatsi zien.
Era berean, haien galderak erantzun eta bere aholkuak eskaini zizkien, legatza nola moztu, saltsa nola zuritu, etab.
Eguberriak eta dieta
Eguberrietan gainera, dieta orekatua alde batera uzten da. Horregatik, bart jardunaldiei amaiera emateko, Ziortza Marzan dietistak eta diabetes-hezitzaileak gaixotasun honen nondik norakoak, nola sortzen den, zer sortzen duen, zein mota dauden etab. azaldu zuen.
Era berean, diabetes gaixoek eraman behar duten dieta motari buruz mintzo zen, batez ere, datozen egun hauetan.
Ostean, herritarren galderak erantzun zituen.