Goizeko hamaiketan eman zitzaion hasiera aurtengo Dantzari Txiki egunari. Goizeko xirimiriak tartea eman zuen, eta Andantza Plazatik irten ziren dantzariak. Bi taldetan osatu zituzten eta goizean zehar herrian zehar ibili ziren.
Herrikoak diren Erketz Dantza Taldea eta Landaberri ikastolako dantza taldeak herriaren erdigunerantz hartu zuten, Kale Nagusian zehar. Bestaldetik, Errenteriako Ereintza eta Falceseko Makaila taldeek Hipodromo etorbideruntz egin zuten.
Jende ugarik, gurasoak gehienbat, ibilbidean zehar lagundu zituzten etxeko dantzari txiki hauek.
Zoritzarrez, desfilea hasi eta gutxira, gure herrian ohikoa den xirimia agertu zen. Baina honek ez zuen festa eta jai giro ederra ilundu. Ondo pasatzea zen helburua, euriarekin edo euririk gabe. Ikasitako guztia erakutsi nahi izan zieten hurbildutakoei.