Horregatik, urtarrilaren 15a bitartean, interesa duten kirol elkarteentzat 2011 urterako jarduera proposamenak aurkezteko epea zabaldu da.
Era berean, eskaerarekin batera aurkeztu beharreko dokumentazioa jakin arazi du.
Batetik, kiroletako jarduera puntualentzako diru-laguntzak arautzeko Udalaren ordenantzak ezartzen dituen oinarriak onartzeko konpromisoa; bestetik elkartearen datuak eta azkenik, jarduerari buruzko dokumentuak, hau da, jarduera antolatzeaz arduratzen den pertsona edo taldearen izena, antolatu nahi den jardueraren gaineko txosten zehatza, parte-hartzaileen kirol-maila, jardueraren eremua, jardueraren parte-hartzaileak, mailak eta adinak adieraziz, jarduerari ematen zaion zabalkundea, antolatuko den jardueraren diru-sarreren eta gastuen aurrekontu zehatza, aurreko urtealdian gauzaturiko jardueraren memoria justifikagarria eta aurreko urtealdiko aurrekontuaren likidazioa, behar bezala identifikaturiko frogagiriak aurkeztuz.
Erregistroan
Jardueren proposamenak Lasarte-Oriako Udalaren erregistroan aurkeztu behar dira hurrengo astean, astelehenetik ostiralera, 9:00etatik 13:00etara.