Lasarte-Oria Kirol Elkarteko atleta gazteek lan ona burutu zuten lehengo astean Donostian egin ziren Gipuzkoako txapelketan. Oscar Goikoetxearen zuzendaritzapean lan egiten duten herriko atleta gazteek bost domina eskuratu zituzten eta horietako lau urrezkoak izan ziren.
Urtarrilaren 14an ostiralean eta 15ean larunbatean, junior, jubenil eta kadete mailako Gipuzkoako txapelketan Irati Larrañaga, Gaizka Ormazabal, Eneritz Imaz, Ane de Miguel eta Ane Galardi izan ziren LOKEko ordezkari.
Gipuzkoako txapelketan ez da sailkapenik egoten, zuzenean finala jokatzen da eta proba bakoitzeko denbora edo marka hoberena egiten duenak lortzen du domina.