Herri hauetako haur eta helduen antzera, gure herriko ikastetxeetako haurrek ere egunak eman dituzte Donostia eguneko danborrada prestatzen. Halabaina, gure herrian bezperan, asteazkenean, ospatu zen festa handia.
Herriko haurrentzat ikasgelan egindako sukaldari edo soldadu jantzia eta egin dituzten entseguen emaitzak gurasoei erakusteko eguna izan zen.
Ilusio handia
Gauzak honela, Sasoeta-Zumaburu Ikastetxeko eta Landaberri Ikastolako ehunka ikaslek danborrak hartu eta asteazken arratsaldean, Raimundo Sarriegiren piezak jotzeari ekin zioten irrikaz haien gurasoen begiradapean.
Sasoeta-Zumaburu ikastetxeko txikienak, Zumaburuko eraikineko patio estalian, izan ziren lehenak danborrak astintzen; gaztetxoenak, berriz, Sasoetako eraikineko gimnasioan bildu ziren eta konpainia desberdinetan elegante-elegante banaturik hainbat pieza trebetasun osoz jo ziztuzten.
Landaberri ikastolako, Garaikoetxea eraikinean, haurrek patioan jo zituzten beraien danborrak, txikienek ilusio handiz lehenengoz astindu zituzten gainera; Zubietako eraikineko ikasleek ere txintxo-txintxo jarraitu zituzten zuzendarien aginduak.