Lanik ez egiteko eskatu zieten langile hauei, aurka dituzten agintarien jokabidea salatzeko, konkretuki pentsio sistema publikoaren aurka hartuko diren erabakiak arbuiatzeko (adina 67 urtera luzatzea, kotizazio urteak gehitzea edota erretiroaren kalkuluan urte gehiago kontutan hartzea besteak beste).
Jarraipen handia
Arrazoi hauek pisuzkoak dira langileriarentzako eta Lasarte-Orian behintzat, U-27ko greba orokorrak jarraipen handia izan zuen. Dendak, bankuak, harategiak, ikastolak, tabernak... itxi egin zituzten. Atzokoa igande itxurako osteguna zen. Jende gutxiago kaleetan eta baita herriko errepideetan ere.
Euskal Herriko hiriburuak
Lehen aipatu bezala pikete informatibo eta kotxe karabanak ikusi ahal izan genituen atzoko egunean zehar herrian. Manifestazio eta kontzentrazioak aldiz, Euskal Herriko hiriburuetan antolatu zituzten greba orokorrerako deia egindako sindikatuek. Donostian, goizeko 11:45ean Sagues, Antiguo eta Anoetatik hiru martxa atera ziren, Buen Pastorren elkartzeko eta 12:30etik aurrera manifestazio bateratua egiteko.
Atzo herritarrek pentsioen eraldaketaren kontra batu eta protesta egin zuten.