Loidi-Barrenen aurrera eraman diren lanak, Padel pista, Rokodromoa, Frontoia eta komun publikoak E Planaren laguntzaz finantzatu dira. Urtarrilaren 25an Mikel Cabieces Gobernuko ordezkaria inauguratzera etorri bazen ere, urtarrilaren 31an ireki ziren kirol instalazioak herritarrentzat.
Kiroldegiak kudeatuko ditu instalazio berri hauek, hau da, instalazioak erabili nahi dituztenek Kiroldegiko atarira joan beharko dute.
Bazkideek beraien txartela nahikoa izango dute padel pista edo rokodromo gunera sartzeko eta bazkide ez direnak kiroldegiko sarreran ordainduta sartuko dira.
Padel pista alokatzeko edo okupatzeko aukera egongo da eta hori egin ahal izateko Teniseko eta Squasheko pistetan edo Trinketean aplikatzen den prozedura bera erabiliko da.