Brasan erreta
500 inguru calçot ekarri eta erre zituzten Basaundi auzoko elkartean, ondoren erretako azala kendu, saltsa batean busti eta eskuekin jateko.
Urtero bezala ere, Calçotaz apartez arkume errea ere jateko aukera izan zuten bertan bildu ziren 65 pertsonek.
Gironako Porqueres herritik etorritako Josep eta Maria Kataluniako bikoteak ekarri zituzten gero Buruntzazpi kanpoan erre zituzten Calçotak.
Tradizioaren bidean
Lasarte-Oriara hirugarren urtez jarraian etorri dira, Josep eta Maria Kataluniako bikotea eta oraingoan gainera beste bi lagunekin, Enric eta Eva.
Oporretan ezagutu zuten lasarteoriatar batzuek bikotea eta hortik sortu zen festa egiteko aukera.
Horrela jarraituz gero, tradizio bihurtuko da eta ziurrenik hurrengo urterako ere hitzordua jarri zuten.
Giro bikaina
Calçot guztiak amaitu ondoren, euskal doinuen tartea iritsi zen.
Bazkalostean giro bikaina izan zen, trikitixa eta txalaparta doinu eta umore onarekin luze jo zuen Calçota janaren hirugarren edizio honek.