Angel Olaran misiolaria, oso ezaguna da Etiopiako Wukro inguruan Abba Melaku izenarekin, hainbat ekimen bultzatu baititu azken 20 urteotan. Apirilean Porrotx eta Mari Motots-en bisita jaso zuen. Hauek hango lana ezagutzera joan ziren gero Euskal Herrian haur eta helduei ezagutarazteko. Eta han ibili ziren eskolak ezagutu, arbolak ureztatu eta haurrei magia egiten.
Senide eta lagunekin joan ziren Porrotx eta Mari Motots, guztira 14 lasarteoriatar, besteak beste, Edu Galardi, Isa Fz de Agirre eta euren alaba, Maider eta Ane, Jose Mari Agirretxerekin, Donetz Iradi, emaztea, Oihan eta Izar seme alabak, Juan Mari eta Josu Agirretxe anaiak, Mertxe Rodriguez, Biki Pozo,... Garai berean Wukron izan zen Iñaki Guridi euskal kazetaria ere eta erreportajeak egin zituen Euskal Irratirako eta Berria egunkarirako.