Udako txoko eta kanpaldietarako gutxi geratzen da eta hurrengo astean, ekainaren 9tik hasita, Manuel Lekuona kultur etxean ekimen desberdinetako programak azaltzeko guraso bilerak egingo dira.
Txikien, HH2-HH4 bitarteko haurren, guraso bilera ekainaren 9an arratsaldeko 17:00etan euskaraz eta 17:45ean erdaraz izango da. HH5-LH2 haurren bilera ere ekainaren 9an izango da, 18:30ean, euskaraz eta 19:15ean, erdaraz. LH3-LH6 mailako gaztetxoen bilera ekainaren 10ean izango da arratsaldeko 17:45ean, euskaraz eta 19:00etan, erdaraz. Abuztuko txokoetako programazioaren berri ematea ere ekainaren 10ean izango da arratsaldeko 19:30ean.
Bestalde kanpaldietako bilerak honako hauek dira: Askizura doazen haurren gurasoak ekainaren 10ean arratsaldeko 17:00etan; Mendigorriara doazenenak ere ekainaren 10ean dute bilera, baina arratsaldeko 18:45ean eta KTGko gaztetxoena ekainaren 17an arratsaldeko 18:00etan izango da.