Maiatzaren 22an ospatu ziren hauteskundeen ondoren, eta PSE-EEk jaso zituen emaitzak jakinak izanik, LOHPko zinegotzi aukeratuak bere bulegora deitu zituen. Bilera horretan, PSE-EEk bere programan zituen 100 proposamenak irakurri zizkiela aipatu dute plataformakoak "ezagutzen genituen arren oso adi entzun genituen" gaineratu du. Guzti honen ostean, LOHPkoek bi kondizio jarri zizkiten bere botoak eskuratu ahal izateko inbestidura ekitaldian "baldintzak zintzotasuna eta erantzukizuna baino ez ziren izan, ez zitzaien beste ezer ere eskatu" azaldu nahi izan dute. Are gehiago "besaulki eta prebendak, soldatak eta bulegoak arbuiatu genituen" gaineratu dute.
Negoziaketetan alboratu
LOHPtik azaldu nahi dute behin eta berriz zintzotasuna eta erantzukizunak izan zirela eskatu zitzaizkien baldintza bakarrak eta Zaballosek ondorengo erantzuna eman ziele; Jakinda zuentzako ez duzuela ezer nahi eta eskatzen didazuen gauza bakarra zintzotasuna eta erantzukizunak direla, nik, baldintza horiekin, negoziaketetan albo batean utzi behar zaituztet.
Honen aurrean LOHP argi utzi nahi du "Lasarte-Oriako alkate izateko nahia duen horrek zintzotasunez eta erantzukizunez jardun behar duela esateko gai ez bada, uste dugu ez duela kargua merezi, eta beraz gainerako korporazioko kideak beste bide batzuk aztertzera behartzen gaitu". Aipamen honi jarraiki eta asteartean Jesus Maria Zaballosek publiko LOHPko kideen inguruan esan zituen "gezur eta deskalifikazio guztien aurrean bi partidu hauen artean egon zitekeen nolabaiteko hurbiltasuna zaildu egin du, horregatik bere jarrera aldatzea gizalegez eta egiatik jokatzea eskatzen diogu".
LOHPtik argi utzi nahi dute prentsa ohar honetan aipatu dituztenak babesteko beharrezko probak dituztela eta norbaitek nahi izanez gero, edota PSE-EEk negoziaketetarako erabili nahi izan dituzten xehetasun eta ikuspegiak ezagutzeko eskuragarri daudela. Negoziaketa hauetan "Lakuako aholkulariak hartu dute parte eta ez zuten duda izan Zaballos solasaldi hauetatik kanpo usteko, negoziaketetarako ez zuela esperientzia nahikoa kontsideratuz" azaldu dute LOHPtik. Honen aurrean alderdi honek galdera bat egin dio bere buruari "ez badu esperientzia nahikoa inbestidura paktu bat negoziatzeko, alkate izateko gaitasuna al du?"
LOHP argitasuna eta takigrafikoak aldarrikatu nahi izan ditu momentu orotan eta horregatik ez du zalantzarik ezta beldurrik ere negoziaketen garapena publiko egiteko. Era honetan, "aurrerago BILDU eta EAJrekin izan ditugun elkarrizketak ere publikoak egingo ditugu" azaldu dute. Alderdi Popularrekin ez direla bildu azaldu nahi izan dute ere "gonbidapen bat luzatu genien solasaldia izateko eta ez zuten erantzun ere egin" esanez amaitu dute.