LH3 mailatik gorako gazteek, hurrengo astean, ekainaren 15ean eta 16an, San Pedro eguneko koadrila bazkarirako kamisetak atontzeko saioak izango dituzte.
Landaberriko ikastolako Garaikoetxea eraikinean asteazkenean eta Sasoeta-Zumaburu ikastetxeko Sasoetako eraikinean, ostegunean izango dira saioak. Arratsaldean, 15:30etik aurrera gaztetxoek kamisetak tindatu ahalko dituzte eta haien gustura apaindu.