Buruntzaldea IKT igeriketa taldea hurrengo denboraldia prestatzen hasi da. Horregatik, igeriketa egin nahi duten haurrek ekaina eta uztaila bitartean aurreinskripzioa egin dezaketela jakinarazi du taldeak.
Honetarako, Lasarte-Oriako igerilekuan Borja-gatik galdetu, astelehenetik ostiralera arratsaldeko 18:00etatik 21:00etara edo 696 506 632 telefonora deitu behar dute interesatuek.
Honetaz gain, igeriketa taldeko lagunek hurrengo denboraldiko entrenamenduen ordutegiak jakinarazi dituzte: 2004 eta 2005ean jaiotako haurrek, astearte eta ostegunetan, 18:00etatik 18:45ak bitartean; 2003an jaioak, astearte eta ostegunetan, 18:45etatik 19:30ak bitartean; 2002 urteko gazteek, astelehen, asteazken eta ostiraletan, 18:30etatik 19:30ak bitartean eta 2001 eta 2000 urtean jaioak, astelehen, asteazken eta ostiraletan, 18:00etatik 19:30ak bitartean. Entrenamenduak irailaren 5ean, astelehenean, hasiko dira.
Era berean, taldeko arduradunek azpimarratu dute, 2005 urteko haurra onartua izateko taldean anai edo arreba bat izan behar duela