Bertsolari Gazteen X. Plazatik Gaztetxera txapelketaren finala uztailaren 1an, jokatu zen leporaino beteta zegoen Mutrikuko Gaztetxean.
Oihana Iguaran, Aitor Salegi, Peio Ormazabal, Ander Zulaika, Hodei Iruretagoiena eta Lasarte-Oriako Bertso Eskolako Ane Labaka herritarra, Beñat Iguaran amasarra eta Asier Azpiroz zubietarra izan ziren kantuan.
Hala baina, finalera iristeko sailkapen saioak gainditu behar izan zituzten Bertso Eskolako hiru gazteek.
Gipuzkoako txapelketa prestatzeko egindako lana ageria izan da txapelketa honetan. Beñat Iguaran eta Ane Labakak haien sailkapeneko saioan zuzeneko txartela lortu zuten. Asier Azpirozek, aldiz, bere saioan lortutako puntuengatik lortu zuen sailkapena.