Izan ere, iganderako prestatuta zeuzkaten ekintza guztiak atzeratu egin behar izan dituzte, seguruenik, datorren urtera arte.
Hala ere, bazkaria egin dute Dana-Ona jatetxean eta Lasarte-Oria zein Usurbildik etorritako 60 bat lagun bildu ziren bertan. DYAko lagunez gain, herriko hainbat elkarteetako kide eta udal ordezkariak ere joan ziren bazkarira.
Bazkalosteko ekitaldia
Bapo bazkaldu ostean, azken 25 urte hauetan ateratako argazki desberdinez osatutako bideo erreprodukzioa ikusi zuten jantokian. Bazkarira bertaratutako pertsona bakoitzak DYAren argazkiak jasotzen dituen pendrive bat jaso zuen opari.
Ostean, aipamen berezia egin zitzaien azken urteotako ibilbidean paper garrantzitsua jokatu duten hainbat pertsonari eta lore-sorta bana banatu zaie mende laurden honetan egindako lana aitortuz. Hauek, esker oneko hitzak eskaini zizkieten bazkariko mahaikideei.