Asteazkenean, PSE-EEko Kongresurako zerrendaburua den Odon Elorza eta Susana Corcuera Gipuzkoa Udal politikako idazkaria egon ziren Lasarte-Oria alderdi kideekin merkatuan larrosak banatzen.
Gaur, ostera, Amaiurren txanda izango da. Horretarako afari merienda ospatuko du Okendon, 19:00etatik aurrera. Taloak eta musika izango dira nagusi.
Amaiurren alde
Bestalde, Ezker Batuko kide ohiek batzuek, esaterako Ricardo Ortegak eta CCOO Jesus Uzkudunek sortu duten Erabaki taldeak botoa Amaiurri emateko eskatu du.
Ohar batean adierazten dutenez, “ez dago abstenitzerik, edo inongo aukerarik gabeko kandidaturei bozkatzerik. Ezkerreko botoa, independentista zein federalista, Amaiurren inguruan bildu behar da”. Euskal Herria nazio gisa aitortzeko, erabakitzeko eskubidea onartzeko, eta krisiaren zein langileen eskubide murrizketen aurrean, bestelako gizarte eredu alternatiboa aldarrikatzen duela azpimarratzen dute.