Gipuzkoako Foru Aldundiko Kiroletako eta Kanpo Ekintzako Departamentuaren diputatua den Iñaki Galdos, Buruntzaldeko kirol arduradunekin bildu zen asteazkenean, Lasarte-Orian.
Bilera hau Foru Aldundiak martxan duen Gipuzkoa Eraikitzen izeneko ekimenaren barru dago eta Iñaki Galdosek azaldu zuen bezala, “hiru helburu ditu; bata hiru urte hauetan Foru Aldundiaren kudeaketa nolakoa izan den azaltzea, bestea herritarren partehartzea sustatzea eta azkenik, kirolaren arloan ematen diren estrategia lerroak, azpiegitura lanak eta laguntzak azaltzea.”