Aste osoan zehar botatako zaparraden ondorioz, zirkuitua erabat lokaztuta geratu zen eta ikustekoa zen korrikalariek zeramaten sufrimendua, lohitik hanka ezin atera, eman eta eman, metrorik aurreratzen ez zuten sentsazioarekin.
Bitxikeria gisa, aipagarri da, korrikalari bat baino gehiago sartu zela helmugan oinetakoa eskuan zuela.
Denbora kaxkarrak
Metereologiaren laguntzarik gabe, zaila da denbora onak egitea eta igandean ohi baino dezente motelago egin zuten lasterka denek. Esaterako, aurreko urtean Kiprono Menjo keniarrak markatutako denbora baino zazpi minutu goitik aritu zen Kigen herkidea.
Herritar bakarra
Aurtengo edizioan, Gonzalo Sukunza korrikalari nekaezina izan genuen lasarteoriatar bakarra.
Herritarrak 69. postuan amaitu zuen lasterketa, 47:45eko denbora eginda. Beste urte batzuetan baino ordezkari gutxiago izan ditu aurtengoan Lasarte-Oriak Nazioarteko Krosean.