Hitzaldi eta tailerren antolatzaileek azpimarratu dute horrelako arazoetan ikastetxe eta familien arteko jokabide bateratuaren garrantzia, hau da, honelako arazoei irakasle era gurasoek erantzun bateratua ematea. Beraz, bi ikastetxe hauetako gurasoei otsailaren 29an eta martxoaren 7an burutuko diren bi hitzaldietan parte hartzeko deia luzatu diete. Lucia Gorbeña arduradunak esan duenez, oso praktikoa izango da, “ez da azalpen teoriko luzerik izango, segituan gauzak egiten hasi eta eguneroko bizitzan erabilgarri diren hainbat tresna ezagutuko dituzte, saiotik etxera joan eta egun horretan bertan praktikan jartzeko modukoak”. Gurasoen aldetik interesik balego hitzaldiak gerora tailer bihurtu daitezke.
Landaberri ikastola eta DBH institutuak elkarrekin antolatu dituzte hitzaldiak. Gurasoen parte hartzea oso garrantzitsua dela esan dute eta baita irakasleen formakuntza ere. “Arazoak daudenean araua begiratu eta ikasleari dagokion zigorra jartzea saihestu eta alternatibak daudela ezagutuko dugu”.