Mikel Pagadi, Egoitz Lasa eta Nagore Aranburuk herritarren algarak eragin zituzten.
Bodologuak-en umorea
Menu kulturalaren lehen platera, Manuel Lekuona kultur etxean Bodologuak antzerkiaren emanaldia izan zen. Mikel Pagadi, Egoitz Lasa eta Nagore Aranburuk ikusleen barre algarak eragin zituzten.
Bakoitzak bi monologo osatu zituen eta gai ezberdinak erabili zituzten horretarako, hala nola, soziedadeak, txakurrak, euskaldun izatearen zailtasunak, eliza... gai desberdinak ardatz hartuta, bakarrizketa eta elkarrizketa sorta polita utzi zuten.
Bakarrizketa arteko trantsizioetan, hiru aktoreak aldi berean oholtzaratzen ziren, eta euren pasarte xelebreek bizitasuna eman zioten umore saio polit eta biziari.
Wasabi projekt-en inprobisazioa
Ostiralean bertan, Wasabi Projekt taldeak Jalgi kafe antzokia funk eta jazz doinuez jantzi zuen.
Xpressionk! zirkuituaren barnean, otsailerako prestatuta dauden emanaldietan azken kontzertua izan zen ostiral gauekoa.
Sun Magoaren magia
Gaztetxoentzat ere izan zuten magiaz gozatzeko aukera. Sun Magoak ahoa bete hotz utzi zituen haur eta gurasoak larunbat arratsaldean kultur-etxean egindako saioan.