Ugartemendiak azaldu zuenez, Herriaren helburu nagusia preso eta iheslarien etxeratzea da, gatazkaren konponbide prozesuari loturiko ibilbide dinamiko baten garapenean. Izan ere, “presoek ere ekarpen handia egin dezakete prozesu horretan”. Amnistia lortuz gero, desagertuko den mugimendua dela azpimarratu zuen.
Gainera, garrantzitsua da mugimenduarentzat presoen egoera agenda politiko guztietan egoteko ahaleginak egitea eta batez ere, gaixo dauden presoen kasuan. Adibide gisa, Txus Martinen egoera aipatu zuen.
Mugimenduak nazio izaera izango duela aipatu zuen Ugartemendiak eta honek inongo alderdi edo pentsaera politikorekin loturarik izango ez duela azpimarratu zuen, “sentsibilitate desberdinetako pertsonek osatua da”.
Azalpenaren ostean, herritarrek galderak egiteko aukera izan zuten.
Galderen txandaren ostean, Lasarte-Oriako Herrira-ko kideek mugimenduak gure herrian eman dituen pausuak azaldu zituen eta aurrera begira, bertan zeuden herritarrei haien ekarpenak egiteko tartea ere ireki zuten.