Astelehenean Basaundi eta Oriako bizilagunekin egingo da bilera auzo elkartean. Udalak bizilagunak bilera hauetan parte hartzera animatu nahi ditu. Izan ere, udala eta Lasarte-Oriako bizilagunen arteko komunikazioa zuzena izan dadin jarri dute martxan ekimena. Udaletik jakitera eman dutenez, akats bat dago etxeetara bilera prozesu honen inguruan banatutako informazioan. Telefono zenbaki bat azaltzen da hauetan eta gaizki dago, zenbaki zuzena honakoa litzateke 943 376181. Udaletik barkamena eskatzen dute sortutako eragozpenengatik.