Aurreko urteetan bezalaxe, egitarau oparoa dakar aurtengo Amaraun Jaialdiak. Goizean goiz hasiko da festa, 11:00etatik hasita 13:30ak arte puzgarri, ludoteka eta eskulanen tailerren ekintzak egingo dira. Ostean, makarronada egiteko tartea hartuko dute 13:30etatik 15:30etara eta arratsaldean berriro ere abiatuko dira puzgarri, eskulan tailer eta ludoteka 15:30tatik 18:00etara bitartean. Ordu horretatik aurrera, 18:00tan hain justu, mozorro desfile koloretsua hasiko da eta 18:30etan haur berberna izango da Xilipurdi taldearen eskutik “Hau Jaia!” izenpean. Eguna eta Amaraun Jaia bukatzeko, txokolatada goxo-goxo bat prestatu dute nahi duenak dastatu dezan.
