Honako lehiaketa bereziki zuzenduta dago herriko haur eta gazteentzat eta horregatik herriko ikastetxeekin lantzen da parte hartzea. Hala ere, "herrikoak diren haur guztiek har dezakete parte, nahiz eta Donostian ikasi adibidez".
Berrikuntzak
Helduen lehiaketari dagokionez, aldaketak daude aurtengo edizioan izan ere, poesia eta mikrokontakizunak dira lehiatzeko bi kategoriak, azken honek ipuinak ordezkatu ditu. "Mikrokontakizunetara egin dugu salto ipuinetatik" aspaldiko eskaera zela azpimarratu du Nogalesek lan motzagoak nahi zituelako jendeak.
Horrela gehienez 1.500 karaktere dira idatzi beharrekoak kategoria honen baitan eta bi maila sortu dira. Bata izango da gazteena, 16-30 urte bitartekoena eta bigarrena, 30 urtetik gorakoentzat. Irabazleek 500 euro eskuratuko dituzte. Lasarte-Oria saria banatuko da honetan eta 150 eurokoa izango da. Honakoa herrian erroldatutakoen artean banatzen den saria da. Euskaraz zein gazteleraz aurkeztu ahal izango dira lanak. Kasu honetan lanak emailez onartuko dira eta horretarako honako bi helbideak jarri dituzte martxan: mikrokontakizunak@lasarteoriasarean.eu edota microrrelatos@lasarteoriasarean.eu.
Poesia lanak bestalde, euskaraz eta gazteleraz aukez daitezke eta sariei dagokienez, irabazleak 1.000 euro eskuratuko ditu eta Lasarte-Oria sariarentzat 300 euro izango dira.
Lanak ohi bezala postaz edota Manuel Lekuonara ekarrita aurkez daitezke. Lehiaketaren oinarriak lasarteoriasarean.eu-n daude eskuragarri.
Dirua nahiago
Kultura sailetik gogoratu nahi izan dute sare sozialen bitartez, lehiaketa honetan eman beharreko sarien inguruko galdeketa egin zela eta gehiengoak, %80tik gora, dirua aukeratu zuela sari moduan. "Ipad, tablet-ak zeuden aukeran galdeketa honetan baina emaitzak ikusita, saria dirutan ematen jarraitzea erabaki genuen" azpimarratu du Boris Nogalesek.