Euskal Herriko plaza askotan bezala, Okendon ere argazki erraldoia atera zuten presoei babesa emateko.
Manifestazioa eta mosaikoa
Goiza indartsu hasteko, herri-kirolak izan ziren Okendo Plazan, Zubieta eta Lasarte-Oriako gazteak nor baino nor aritu ziren, lokotxetan, trontzan...
Ostean, manifestazio jendetsua egin zuten herriko kaleetan barrena, ehundik gora lagun bildu ziren “Euskal presoak Euskal Herrira, Bizi osorako espetxe zigorrik ez!!! Gaixo dauden presoak herrira”, zioen pankartaren atzean.
Behin manifestazioaren ibilbidea bukatuta, Euskal Herriko plaza guztietan bezala, Lasarte-Orian ere argazki erraldoia atera zuten presoak herriratzeko eskatuz.
Ehundik gora lagunek manifestazioa burutu zuten herrriko kaleetan barrena.
Joxe Balerdiren argazkiaren aurrean, herritarrek larrosa zuriak ipini dituzte.
Joxe Balerdiri omenaldia
Eguneko momenturik hunkigarriena herritarrek Joxe Balerdi, Juankar Balerdi presoaren aita zendu berria omendu zutenekoa izan zen.
Hainbat herritar Okendoko oholtzara igo eta larrosa zuri bat utzi zuten bere argazkiaren aurrean, gainontzeko herritarren txalo artean.
Ostean, Beñat Iriondok testu bat irakurri zuen Herriraren izenean, presoen eskubideak errespetatzeko eskatu eta sakabanaketarekin amaitzeko exigituz.
Bazkaria eta kontzertuak
Eguraldi txarrak hala behartuta, Okendon egin beharreko herri bazkaria Xirimiri elkartean egingo da eta Makulu Ken eta Aurka taldeen gaueko kontzertuak bertan behera geratu direla adierazi dute ekimen honen antolatzaileek.