Ekintzak bi izango dira nagusiki, batetik eraginkortasunez gidatzeko ikastaroak burutuko dira ekainaren 5,7 eta 9an lau orduz eta bestetik, herritarren parte hartzea oinarri duen ekimen berdeen bilduma osatuko da. Herritarrek euren eguneroko bizitzan ingurumena zaintzeko egiten dituztenak jasotzea du helburu. Adibidez, autokonpostajea etxean egiten dutenak, haurrentzako pardel ekologikoak erabiltzen dituztenak, ur gutxiago kontsumitzeko gailu ezberdinak komunean edota sukaldeko iturrietan erabiltzen dituztenak...esperientzia horien berri izan nahi da.
Hauek artelatz@artelatz.com helbidera edota 943 670 249 telefonora deituta utz daitezke ekainaren 1a arte. Ondoren, guztiak liburuxka batean bilduko dira eta erakutsiko dira ekainak 6an 10:00etatik 13:00etara Brigidatan eta ekainak 8an 17:00tik 20:00ra Okendo plazan.
Gidatzeko ikastaroa burutzeko ere, izena eman behar da aurrez aipatutako telefono zenbakian. Nerea Sanchezek herritarrak hauetan parte hartzera animatu nahi izan ditu egindako agerraldian.