Aurten gai berri izan dute, biodibertsitatea. Horregatik, gelan gaiaren inguruko alderdi ugari aztertu dituzte. Honetarako, ekintza eta irteera ugari egin dituztela azaldu dute.
Proposamenak
Hauen ondorioz, Udalari egin beharreko eskaera eta proposamenak finkatu dituzte eta gaur aurkeztu dituzte. Hala nola, animalia eta landare inbaditzaileak kendu eta espezie hauek ez ugaritzeko neurriak hartzea, desagertzeko arriskuan dauden espezieak babestea, baso garbiketak antolatzea, “Zuhaitzen egunean” zuhaitz gehiago landatu ahal izateko toki gehiago eskaintzea, auzo berriak sortzerakoan eremu berdeak jartze edo herriko eremu naturaletan eraikuntzarik ez egitea izan dira eskaerak. Aipamen berezia egin diote errauskailuaren eraikuntzak gelditu eta atez-ateko sistema herrian ezartzeari.
Pablo Barrio alkateak eta Nerea Sanchezek gaztetxoek egindako lana goraipatu dute eta proposamenak aztertuko direla azaldu du alkateak. Nerea Sanchezek, berriz, gazteei gogoratu die guztien zer egina dela herriko biodibertsitatea mantentzea, "guztiek egin dezakegu zerbait. Honetarako elkarlana beharrezkoa da".