Federico Perez eta Joxe Manuel Múgica zikloturistak Mariano Vallés lehen bazkidea eta Jesus Diez lehendakariarekin.
Hori guztia argitara ateratzeko eguna izan zen igandekoa. Goizean Michelingo kirol-gunean mahai-tenisa, gimnastika-erritmikoa, tenisa eta judoa ikusteko aukera izan zen (atletismokoek txapelketak zituzten), LOKEren historia laburtzen zuen argazki-galeria handi batekin batera.
Bazkaria eta omenaldiak
Aginaga sagardotegian 108 kide bildu zituen bazkari handia antolatu zuen LOKE-k.
Bertan izan ziren Barrio eta Arrizabalaga udal ordezkariek izan zuten LOKE-ko entrenatzaileek izendatutako kirolari onenei zegozkien sariak banatzeko ardura.
Bestalde, zuzendaritzak omenaldi xume bat egin nahi izan zien urte guzti hauetan LOKErengatik dena eman duten Diez eta Morales nekaezinei.
Entrenatzaileek eta zuzendaritzak omendutako guztiek talde-argazkia atera zuten Aginagan bapo bazkaldu ostean.