Ondoren, Udalbatzarekin batera, Okendo plazara abiatuko dira herriko dantzariak. Soka-dantza dantzatuko eta 22:00ak aldera sua piztuko dute.
Erketz emanaldia
Bestalde, Erketz EDT-ko kideek gaur, 20:00etan emanaldia eskainiko dute Okendo plazan.
Dantza taldeko heldu, haurrek eta Erketz-eko lagunak taldeak euskal dantza desberdinak erakutsiko dituzte haien emanaldian.
Biyak Bat eta Zentro Zibikoa
Biyak Bat erretiratuen elkarteko kideek, urtero legez, gaur, goizeko 10:00etatik aurrera aerobik eta gimnastika erakustaldiak egingo dituzte kiroldegian.
Jarraian, 12:00etan, Emakumeen Zentro Zibikoko lagunen txanda izango da. Hauek batuka, aerobik eta sabel-dantzan duten trebetasuna erakutsiko dute.
Era berean, Biyak Bat elkarteak gogora arazten du ekainaren 28an, 12:30ean elkarteko abesbatzak Manuel Lekuona kultur-etxean kontzertua eskainiko duela.