Omenaldi hunkigarriak
Azken asteotan aipatu den bezala, Danok-Kide, Jalgune eta Pirritx, Porrotx, Marimotots eta Takolo izan dira aurtengo omenduak. Pablo Barrio alkatearen gidaritzapean egin da kultur-etxeko areto nagusian burutu den omenaldia eta jende asko bertaratu da ikustera.
Barriok bakoitza omentzearen arrazoiak eman ditu eta omenduek eskerrak eman dizkiete herritar zein udalari gisa horretako aitortzagatik.
Omenduen esker ona herritarrei
Omendu bakoitzak bere erara, baina denek eduki dute detaileren bat ikustera joan diren guztiekin.
Lehenik eta behin, Danok-Kidek berretsi du eurek atsegin handiz egiten dutela lan herriaren alde, lokal soziala gainontzeko eragileei utziz, formazio kurtsoak emanez, dantza saioak edota edozein kultur ekintza antolatuz... Hitzaldia hitz hauekin amaitu dute "Lasarte-Oria hobe baten alde jarraituko dugu lanean!", txalo zaparrada ederra etorri da ostean.
Pirritx, Porrotx, Marimotots eta Takolok berriz, "Maite Zaitut" kantua jo dute Andrea Gonzalez gitarajolearen laguntzaz. Takolok euren hastapenak azaldu eta "maitasuna jaso eta ematea" baino gaiza ederragorik ez dagoela azaldu zuten pailazoek herritarrei eskerrak ematearekin batera.
Festari amaiera emateko, Unai Muñoa eta Ane Labakak bertso sorta bana eskaini zieten omenduei eta honako hitzokin amaitu zuten ekitaldia: "Gora San Pedro jaiak eta gora Lasarte!".