Umeen jokoak Andatza plazan eta xexenak Atsobakarren

Txintxarri 2012ko ekainaren 29a

Umeek hainbat jokoetan aritzeko aukera izan dute Andatza Plazan jarri den haur parkean eta Atsobakarrera hurbildu diren gaztetxoek aldiz poni eta zezentxoekin jolastekoa.

Goiz eta arratsaldez egon da zabalik Haur Parkea Andatza Plazan. Haurrek, puzgarri, zezen mekaniko, ur txalupa, wii, futbolin, ping pong eta beste hainbat jokoetan aritzeko aukera izan dute.

Atsobakarren jarritako plaza bete egin da zezenak ikusteko.

Bestalde, arratsaldeko 17:00etatik aurrera, haurrentzako xexenak eta poniak askatu dituzte Atsobakar auzoan ipinitako zezentokian. Jendez beteta zegoen plaza gaztetxoek zezenen aurrean egindako balentriak ikusteko.