Infantiletan, Iñigo Ibarburuk ez zuen parte hartu, Gasteizen zelako igerileku luzean absolutuekin lehiatzen, eta dominak lortzeko aukera galdu zuen. Jone Vazquez bikain aritu zen eta Gipuzkoako txapelketako denborak hobetu zituen 800 m. libre eta 400 m. libre probatan. Mikel Sotok 100 m. bular, 100 m. libre eta 400 m. libre probetan parte hartu eta lehenengoan 5. izan zen. Naiara Lizasok ez zuen parte hartu oporretan zegoelako.
Junior, promesa eta absolutuen mailan, Mikel Esnal, Haitz Mitxelena, Mikel Arribillaga, Naroa Goikoetxea eta Itsaso Tolosa lehiatu ziren. Esnalek txapelketa bikaina egin zuen, 100 m. eta 50 m. libre probetan marka hobetu zuen.
Haitz Mitxelenak ere marka pertsonalak lortu zituen hiru probatan, txapeldunorde izan zen promesa mailako 100 m. eta 200 m. tximeleta probetan, eta azken honetan hirugarren absolutu mailan.
Itsaso Tolosak ere txapelketa ona egin zuen. 50 m. bizkar eta 100 m. tximeleta probetan marka pertsonala hobetu zuen, junior mailan, Euskadiko txapeldunorde izan zen 100 m. eta 200 m. bizkar probetan eta absolutu mailan txapeldun orde 200 m. bizkar proban.
Naroa Goikoetxea laugarren izan zen promesa mailan 50 m. bular proban eta Mikel Arribillaga txukun aritu zen 100 m. libre eta 100 m. bizkar probetan.
Gipuzkoako txapelketa
Era berean, emaitza onak lortu zituzten igerilariek duela bi aste Irunen, Gipuzkoako Udako Txapelketan. Espainiako txapelketan parte hartzeko txartela lortu zuen Haitz Mitxelenak 200 m. tximeletako proban, Euskadikoan parte hartzekoa Jone Vazquez-ek 400 libre eta 800 librean, Mikel Sotok 100 libre eta 200 librean eta mutilen errelebo taldeak ere bai lau probatan.
Gainera, Iñigo Ibarburu Gipuzkoako Txapeldun izan zen 100 m. libre eta 50 m. libre probatan eta txapeldun orde 100 m. estiloak eta 100 m. tximeletan. Bai nesketan eta baita mutiletan ere errelebo talde guztiek hobetu zituzten euren markak, 8 errekor berri jarri zituzten, eta bakarka, 28 marka pertsonal hobetu zituzten.
Borja Apeztegiak adierazi duenez, “igerilariak oso fin ibili dira eta emaitza garrantzitsu ugari lortu dituzte. Orokorrean taldekide guztiek maila altuan egin dute igeri”.