Itoitz Rodriguez Euskadiko txapeldun bikoitza LOKEko entrenamendu batean.
Itoitz Rodriguez bi probatan, 300 m. eta luzera jauzian izan zen garaile.
Maria Eugi ere 300 metroko lasterketan izan zen azkarrena. Idoia Olasagasti lehenengo izan zen 300 metroko hesi-lasterketan eta hirugarren postuan amaitu zuen luzera jauziko proba.
Maider Rekondok berriz, pisu jaurtiketako proban urrezko domina eta disko-jaurtiketa proban zilarrezkoa lortu zituen.
Ane Galardik ere bi domina eskuratu zituen, biak zilarrezkoak. Hauek luzera jauzi eta jauzi hirukoitzeko probatan lortuak.
Eneritz Bustok, ordea, zilarrezko postuan amaitu zuen altuera proba eta hirugarren izan zen 110 m. hesi-lasterketan.
Izar Agirretxek hirugarren amaitu zuen xabalina-jaurtiketa proban eta mailu-jaurtiketan bosgarren izan zen.
Banakako proba hauetaz gain, nesken 4x300 errelebuan ere parte hartu zuen LOKE-k. Maria Eugi, Eneritz Busto, Idoia Olasagasti eta Ane Galardik osatutako taldea ederki aritu zen lasterka eta garaipena lortu zuen.
Espainiako txapelketa
Bestalde, kadete mailako Espainiako txapelketan izan ziren Itoitz Rodriguez, Maria Eugi, Eneritz Busto eta Ane Galardi ekainaren 30 eta uztailaren 1ean, Castelló-n.
Itoitz 300 metroko lasterketako finalean izan zen eta 8. postua eskuratu zuen. Anek 5. postua lortu zuen luzera jauzian. Maria eta Eneritz kanporaketetan kaleratuak izan ziren.
Euskadiko txapelketa
Honetaz gain, asteburu honetan maila absolutuko Euskadiko txapelketa izango da Durangon. Bertan Jose Ramon Latorre eta Iñigo Sevillano herritarrak izango dira lehian.