Aurten hamahiru saio izango dira guztira Hipodromoan. Horietatik bost, uztailak 16, 23 eta 30, abuztuak 6 eta 27 asteko lehenengo egunean izango dira Frantziako Equidia telebista kanalak bota ahal izateko.
Data garrantzitsuak
Aldaketa honek ordea, ez du denboraldiko egun garrantzitsuetan eragingo.
Kutxa Saria abuztuaren 12an igandean izango da, Eusko Jaurlaritza saria abuztuaren 19an eta Urrezko kopa ohi den bezala, abuztuaren 15ean asteazkena lehiatuko da.
Abuztuak 23 eta 30 eta irailak 6a, ostegunetan ere jardunaldia izango da eta lehenegoan gainera, Nazioarteko Criteriuma izango da.
Eta denboraldiari amaiera emateko, irailaren 9an, igandea Donostiako sari Nagusia egongo da jokoan.
Nazioarteko saria
Honetaz gain, aurten ere Urrezko Kopa Defi du Galop nazioarteko txapelketaren barruan egongo dela adierazi dute antolatzaileek.
Ondorioz, Europako zaldirik onenak izango dira Donostian Amabirjinaren egunean eta maila handiko zaldi lasterka ikusiko da.
Sarrerak
Gauzak honela, zaldi lasterketak gustuko dituztenek aukera zabala izango dute hiru hilabete hauetan.
Sarrera normala 7 eurotakoa izango da uztaila eta irailean, abuztuan berriz, 10 euro ordaindu beharko dira.
Jubilatuek eta 14-18 urte bitarteko gazteek 3,5 eurota dituzte sarrerak eta abuztuan 5 eurotara.