Guztira, herriko zein inguruko zortzi talde aritu ziren Parapetoko oholtza gainean ahots urratuz eta gitarra kolpe sendoez ikusleak dantzan eta kantuan jartzen.
Blakako gazteek euren dohainen berri eman zuten kontzertu zirraragarri bat eskainiz.
Kontzertu sorta polita
Zortzi kontzertu ikusteko aukera izan zen larunbatean, BeHatxeRoja eta Bloody Brotherhood donostialdeatik, Black Absinthe usurbildik, Blaka añorgatik, Two Mules and a Rainbow bilbotik eta azkenik, herriko Hilotz, Tamerlayn eta Bar Remigio taldeak izan genituen Parapetasonik festibalean.
Heavy eta rock´n´roll festibala izaki, ez zen bertsiorik falta izan eta Jimy Henfrix, Bad Religion, The Beatles, Testament, Foxy Lady, Red House, Metallica eta halako talde ezagunen kantuek harrera itzela izan zuten publikoaren aldetik.
Herriko taldeen maketak
Lasarte-Oriako bi taldek, euren azken lanak herritarren aurrean erakusteko erabili zuten festibala.
Hala, Hilotzek euren “Hil ala bizi” azken laneko maketako kantu guztiak jo zituen eta Tamerlaynek “Aguila” maketa aurkeztu zuen. Bar Remigiok berriz, Bad Religion punk talde ingelesaren bertsioak jo zituen.
Antolatzaileak oso kontent
Balorazio oso positiboa egin zuten ekimenaren antolatzaileek. Heavy eta Rock-aren inguruan herriko zein inguruetako gazte jende musikazalea bildu eta herrian giroa sortzea zuten helburu, eta hurbildu zen jendetza ikusita, lortu zutela esan daiteke. Hurrengoa urtean ea Parapetasonic festibalaz hirugarrenez gozatzeko aukerarik dugun.
Itxura polita zuen Parapetoak arratsaldean, jendea gustura aritu zen kontzertu desberdinez gozatzen.